អ៊ុយក្រែន៖ ជំនួយមនុស្សធម៌ប្រមាណ ៦០តោនត្រូវបានបញ្ជូនទៅកាន់ទីក្រុង Kharkov ប្រទេសអ៊ុយក្រែនដោយគណៈកម្មាធិការអន្តរជាតិនៃកាកបាទក្រហម ក្រោយមានការឈ្លានពានរបស់រុស្ស៊ីមកលើអ៊ុយក្រែន។ កាកបាទក្រហមបាននិយាយថា ខ្លួនបាននាំយកជំនួយដល់ទីក្រុងភាគខាងកើតកាលពីថ្ងៃទី២៦ ខែមីនា ដែលរួមមានអាហារ ទឹក និងរបស់របរអនាម័យសំខាន់ៗមួយចំនួន។

ជំនួយនេះនឹងត្រូវចែកចាយដោយកាកបាទក្រហមអ៊ុយក្រែនដល់ជនស៊ីវិល រួមទាំងអ្នកដែលកំពុងស្នាក់នៅក្នុងរថភ្លើងក្រោមដីក្នុងទីក្រុងផងដែរ។

លោក Maxime Zabaloueff មកពីគណៈកម្មាធិការអន្តរជាតិនៃកាកបាទក្រហមបាននិយាយថា៖ «ថ្ងៃនេះយើងនៅទីក្រុង Kharkiv ដែលជាកន្លែងដែលយើងបានចែកចាយអាហារ ៦០តោន និងរបស់របរសម្រាប់ប្រជាជនដែលបានទទួលរងពីផលវិបាកដ៏នៅក្នុងទីក្រុងនេះ។ ជំនួយមនុស្សធម៌នេះនឹងត្រូវបានចែកចាយដោយសមាគមកាកបាទក្រហមអ៊ុយក្រែន ដោយជំនួយនេះត្រូវបានគេដាក់នៅក្នុងឃ្លាំង សម្រាប់ការបែងចែកបន្ថែមទៀតដល់ប្រជាជនដែលត្រូវការជំនួយ»។

លោកសង្ឃឹមថានឹងបន្តចែកជំនួយនេះតាមរយៈពួកគេសម្រាប់ជាប្រយោជន៍ដល់ជនស៊ីវិលដែលត្រូវការជំនួយពីគ្រប់បែបយ៉ាងហើយ «កាកបាទក្រហមនៅទីនោះដើម្បីគាំទ្រពួកគេ»៕